Diant Ramaj nuk do të luajë për Kosovën. Edhe pse presidenti i Federatës së Futbollit të Kosovës, Agim Ademi, e vizitoi personalisht portierin 24-vjeçar, misioni nuk pati sukses dhe Ramaj nuk ka ndërmend të mbrojë për vendin nga vijnë prindërit e tij. Kjo u deklarua publikisht së fundmi nga agjenti Jurgen Schwab. Kosova nuk është një opsion për Ramajn.
“Ajo që thuhet është një gënjeshtër e plotë. Ne e dimë për interesin e Kosovës prej kohësh, Dianti e vlerëson këtë, por ai ishte i qartë, nuk do të luajë për Kosovën”, tha Schwab. Portieri 24-vjeçar shpreson për një thirrje nga Gjermania. Fjalët e tij e bëjnë të qartë se Kosova nuk është aspak në mendjen e tij.
“Ka një qëllim të qartë për mua. Dua të jem sa më i mirë që të jetë e mundur në mënyrë që së shpejti të kem një shans në ekipin kombëtar, ekipin kombëtar gjerman”, tha Ramaj.
