Teuta vazhdon të përforcojë organikën e saj. Klubi durrsak njofton se ka siguruar shërbimet e sulmuesit polak Jakub Myszor. Teuta do të debutojë në kampionat të shtunën në transfertën kundër Partizanit.
“Teuta ka kënaqësinë të njoftojë afrimin e sulmuesit polak Jakub Myszor, i cili do të jetë pjesë e skuadrës sonë për sezonin e ardhshëm.
Klubi ka firmosur sot marrëveshjen me lojtarin, që do të forcojë repartin ofensiv dhe të jetë një element i rëndësishëm në objektivat tona për sezonin e ri.
Myszor vjen nga Raków Częstochowa, ndërsa më parë ka luajtur edhe për KS Cracovia dhe Ruch Chorzóë. Ai gjithashtu ka përfaqësuar Poloninë në grupmoshat U20 dhe U21.
Me përvojën dhe kualitetin e tij, jemi të bindur se Myszor do të japë një kontribut të çmuar në fushën e lojës”, shkruhet në njoftimin e klubit durrsak.
