Me Tielemans tashmë të zyrtarizuar dhe qendërmbrojtësin Pau Torres drejt Premier League, tekniku i Aston Villa, Unai Emery, tashmë kërkon një përforcim të ri për repartin ofensiv të skuadrës për sezonin e ardhshëm.
Sipas raportimeve më të fundit nga mediat spanjolli, skuadra angleze kërkon të “rrëmbejë” anësorin spanjoll Ferran Torres, nga “katalanasit” e Barcelona, në formë huazimi me të drejtë blerje prej 25 milionë eurosh në fund të sezonit të ardhshëm.
Momentalisht, Barça është kundra kësaj ideje, teksa preferon ta shesë lojtarin për të përfituar një shumë të konsiderushme, ndërsa në krahun tjetër, Torres nuk e dëshiron largimin nga kampionët e Spanjës.
Ndërkaq, kujtojmë se sezonin e shkuar, Torres zbriti në fushë plot 45 herë për “blaugranat” në të gjitha kompeticionet, teksa arriti të shënojë vetëm 7 gola, si dhe të asistojë shokët e tij në vetëm 3 raste. /i.m /abcnews.al
