Interi ka nisur prej kohësh punën për merkaton e janarit, ku do të kërkojë që t’i vendosë në dispozicion trajnerit Inzagi lojtarë që ta ndihmojë në rrugëtimin në kampionat dhe në Europë. Bepe Marota po kërkon okazione dhe ka piketuar katër futbollistë që mund t’i bëjnë punë zikaltërve, lojtarë të cilët janë në vitin e fundit të kontratës dhe vijnë me kosto të ulët.
Portugezi Tiago Djalo i Lilës është ai që po vëzhgohet në mbrojtje. Mbrojtësi është jashtë për dëmtimin e ligamenteve, por mund t’i bashkohet zikaltërve dhe të nisë gjithçka nga e para në qytetin ku më parë ka qenë pjesë e akademisë së Milanit.
Piotr Zielinski është ëndrra për mesfushën, pasi shihet si një element me shumë vlera që mund të ndihmojë ekipin të bëjë hapin cilësor. Megjithatë, nuk përjashtohet mundësia e rinovimit të tij me Napolin, apo edhe një ndërhyrje e Juventusit.
Në listë është edhe Tomas Suçek, mesfushori i Çekisë të cilin Auzilio e ndoqi në Tiranë në ndeshjen ndaj Shqipërisë. Futbollisti i Uest Hem është në muajt e fundit të kontratës me britanikët dhe nuk është aspak çudi që të kërkojë një aventurë të re.
Për sulmin, objektivi mbetet i zakonshmi Mehdi Taremi i Portos. Në të kaluarën, lojtari u ishte ofruar si shkëmbim për Asllanin, por kjo hipotezë u hodh poshtë, teksa do të synohet afrimi me kosto të ulët në janar.
PANORAMASPORT.AL
