Transferimi i Jan Somer te Interi ka lënë Bajern Mynih pa portier titullar. Zvicerani ishte afruar për të zëvendësuar Manuel Nojer të dëmtuar, por kthimi i gjermanit në fushat e lojës do të vonojë.
Shkak për këtë është berë një ndërhyrje kirurgjikale tjetër të cilës i është nënshtruar gardiani 37-vjeçar gjerman. Sot pasdite, klubi konfirmoi se Nojer ishte operuar si pjesë e programit të tij të kthimit në fushën e lojës, për të hequr një pjesë metalike nga fibula e djathtë. Sipas klubit, gjithçka kishte shkuar mirë dhe portieri kishte filluar menjëherë stërvitjen e tij të rehabilitimit.
Por është e qartë që Nojer nuk do të jetë i gatshëm për fillimin e sezonit dhe në mediat gjermane spekulohet se do të duhen shumë javë para se ai të zbresë përsëri në fushë. Me largimin e Somer drejt Interit, barra për të ruajtur portën bie mbi Sven Ulreih. Ky i fundit, kalon nga zgjedhje e tretë për portën, në personazhin kryesor të katërkëndorit bavarez derisa të kthehet Nojer, gjithmonë nëse klubi nuk do të gjejë një tjetër portier.
PANORAMASPORT.AL
