Dy gara e fundit të Formula 1 kanë parë Max Verstappen dhe Red Bull të kthehen në krye, me fitore në Monza dhe Baku. A janë këto rezultate shqetësuese për McLaren? Testi përfundimtar do të jetë në Singapor, një pistë e ndryshme, kushte në të cilat ekipi “Papaya” lulëzon.
Red Bull pritet të sjellë një paketë ndihmëse risish për Verstappen, ndaj te McLaren po bien këmbanat e alarmit. Lando Norris, që duelon për titull me Verstappen, e njeh mirë forcën e tij, ndëkohë që të dy janë në ndjekje të Oscar Piastri.
“Nuk ndodh shpesh që ata të jenë të ngadaltë. Njerëzit duhet të ndalojnë së habituri nga fakti që ata janë të shpejtë. Ata kanë qenë të shpejtë gjatë gjithë sezonit dhe kanë bërë disa përmirësime në Monza që duket se i kanë ndihmuar të përmirësohen edhe më tej”, tha Norris.
“Ne e dimë se ata janë një ekip tepër i forte, me një nga pilotët më të mirë të të gjitha kohërave në Formula 1. Ata do të na e bëjnë jetën të vështirë për pjesën tjetër të sezonit. Jemi përmirësuar, por në Baku, Red Bull ishte në një nivel tjetër në disa fusha”, shtoi Norris.
