Pas një jave pushim, botërori i Formula 1 rikthehet këtë fundjavë në Brazil. Një fundjavë e ngjeshur, pasi të shtunën dolt ë zhvillohet gara sprint. Situata ka ndryshuar disi në garën për titullin kampion, pasi në krye të renditjes është Lando Norris.
Britaniku ka 1 pikë më shumë se shoku i tij i skuadrës Oscar Piastri, ndërsa i treti klasifikohet holandezi Max Verstappen. Piloti i Red Bull, javët e fundit ka qenë shumë kërcënues, duke e ngushtuar diferencën në 36 pikë me dy pilotët e McLaren.
“Nuk mendoj se rregullat brenda skuadrës McLaren e ndihmuan Verstappen të rikthehej në garë për titull dhe nuk mendoj se ato na lënduan. Ne jemi duke bërë garën tonë dhe rregullat e brendshme na dhanë titullin për konstruktorë”, tha Norris.
“Tani që u riktheva në krye dua ta ruaj këtë pozicion deri në fund. Nuk duhet nënvlerësuar apo anashkaluar asgjë, pasi çdo pikë është e rëndësishme. Ne do të vazhdojmë kështu deri në fund të sezonit”, shtoi Norris.
Më tej, britaniku tha: “E fituam kampionatin e konstruktorëve sepse jemi dy pilotë të fortë. Red Bull po lufton për atë për pilotë me Max, por ata nuk kanë një pilot të dytë që mund të konkurrojë dhe t’i ndihmojë ata dhe Max”.
