Pas një jave pushim, Formula 1 rikthehet këtë fundjavë në Montreal.
Në pistën kanadeze, makina McLaren është favorite për të fituar. Oscar Piastri dhe Lando Norris kanë betonuar dy vendet e para, duke e lënë Max Verstappen në -49 nga kreu.
Ndaj, në Montreal do të jetë një garë mes Lando Norris dhe Oscar Piastri, pistë ku McLaren nuk ka fituar që nga viti 2012. Britaniku Lando Norris dëshiron të afrohet më shumë me shokun e tij të skuadrës në renditjen e pilotëve.
“Jam i emocionuar që do të kthehem në pistë. Ishte e mrekullueshme të kaloja pak kohë me ekipin në Woking javën e kaluar, ku ne ishim në gjendje të bënim një bilanc të sezonit dhe të punonim shumë për t’u përgatitur për garën e radhës”, tha Norris.
“Ndihem shumë i sigurt dhe i fokusuar për garën në Montreal. Është një mundësi e mirë për të vazhduar këtë moment pozitiv. Barcelona ishte një fundjavë e mirë, por në Kanada kam mundësi për të fituar”, deklaroi Lando Norris.
