Kombëtarja shqiptare e futbollit ka shënuar fitore kundër Polonisë, në një ndeshje shumë të rëndësishme në rrugën drejt Kampionatit Evropian “Euro 2024”.
Kuqezinjtë triumfuan 2:0 kundër Polonisë, në stadiumin “Air Albania” në Tiranë, kuadër të Grupit E në kualifikimet për Kampionatin Evropian.
Mesfushori nga Kosova, Ylber Ramadani është vlerësuar futbollisti më i mirë në fushë, sipas uebfaqes së specializuar të vlerësimeve “Whoscored.com”.
Ramadani mori notën 7.7, ndërkaq lartë u vlerësua edhe Asani 7.3 dhe Daku 7.2.
Kujtojmë se Jasir Asani kaloi Shqipërinë në avantazh në minutën e 38-të falë një eurogoli nga distanca e largët. Me këtë gol u mbyll pjesa e parë me epërsinë e vendasve.
Golin e dytë dhe të epilogut përfundimtar për Shqipërinë e realizoi sulmuesi gjilanas Mirlind Daku në minutën e 62-të, vetëm një minutë pasi u inkuadrua në lojë.
Shqipëria me këtë fitore është lidere e grupit me 10 pikë të grumbulluara.
Tetë pikë ka Çekia në pozitën e dytë, po aq sa Moldavia. Polonia është e parafundit me gjashtë pikë, ndërkaq e fundit është Ishujt Faroe me vetëm një pikë.
Shqipëria e para | Kjo është renditja në Grupin E pas triumfit të kuqezinjve ndaj Polonisë
Ndeshja e radhës për Shqipërinë është në tetor kur e pret Çekinë në kryeqytetin shqiptar./Lajmi.net/