Rrugëtimi i Ballkanit në fazën e grupeve në Ligën e Konferencës ka përfunduar sonte në Kroaci, pas humbjes nga Dinamo Zagrebi, në ndeshjen vendimtare të xhiros së fundit të Grupit C.
Ballkani ka humbur 3:0 nga Dinamo Zagrebi, në stadiumin “Maksimir”, me tre golat e pësuar në 20 minutat e fundit të ndeshjes, shkruan lajmi.net.
Uebfaqja e specializuar e vlerësimeve, “SofaScore”, ka publikuar vlerësimet për futbollistët e dy skuadrave.
Lojtari më i vlerësuar te Ballkanit ishte portieri, Enea Koliçi me notën 7.2. Walid Hamidi u vlerësua me notën më të ulët 6.0.
Ndërkohë, futbollist me vlerësimin më të lart në fushë ishte sulmuesi i Dinamo Zagrebit, Bruno Petkoviq që u vlerësua me notën 8.8.
GNK Dinamo Zagreb – KF Ballkani Live Score
Kësisoj, nga Grupi C kualifikohen tutje Viktoria Plzen me 18 pikë dhe Dinamo Zagrebi me nëntë pikë. Ballkani është i fundit në grup me katër pikë, njëjtë sa Astana e treta./Lajmi.net/
