Sulmuesi anglez i Man. Junajted po përjeton një periudhë makthi në fushë, duke prekur fundin e kartonit të kuq që mori në ndeshjen e Ligës së Kampionëve kundër Kopenhagës.
“Djajtë e Kuq”, të mbetur me 10 lojtarë, pësuan një përmbysje nga danezët dhe tani janë në vendin e fundit të grupit, me rrezik serioz eliminimi.
Si të mos mjaftonte kjo, vëllai dhe menaxheri i Markusit është arrestuar në Majami. Dane Rashford është një menaxher i regjistruar i Federatës Angleze të Futbollit dhe është drejtor i “DN May Sports Management”. Mes klientëve të tij është padyshim vëllait të tij Markus Rashford.
Sipas lajmeve nga Anglia, Dane u arrestua më 20 tetor në Majami të Florida-s. Ai u paraqit në gjykatë të nesërmen dhe pagoi lirimin me kusht (1500 dollarë).
Akuza është për veprën penale të rrahjes, e cila hyn në objektin e dhunës në familje dhe është zyrtarizuar më 24 tetor. Pasi u deklarua i pafajshëm, Rashford do të paraqitet në gjyq më 27 nëntor.
