Sulmuesi i kombëtares shqiptare Armando Broja është në pikën më të errët të karrierës së tij për shkak të dëmtimeve.
Pasi u rikthye në fushë pas disa muajsh mungesë Broja u dëmtua sërish, dhe duket se këtë herë do të m,ungojë gjatë.
Duke parë këtë situatë Everton ka vendosur t’i kthejë mbrapsh brojën skuadrës së Çelsit, por blutë e Londrës kanë vendosur një kusht.
Çelsi i kishte paguar Brojës rrogën edhe pse i huazuar derisa u riaftësua plotësisht nga dëmtimi në tendinën e Akilit i pësuar në verë, duke ia lehtësuar barrën financiare Evertonit. Por sipas “The Guardian”, blutë kërkojnë që Evertoni të bëjë të njëjtën gjë.
Nëse klubi ku gjendet aktualisht Broja kërkon të kthejë mbrapsht sulmuesin për të liruar një vend në ekip, atëherë duhet të paguajë pjesën e mbetur të rrogës të sulmuesit për këtë sezon, siç ishte parashikuar në marrëveshje. Te Çelsi argumentojnë se dëmtimi i pësuar nga Broja së fundmi nuk ka lidhje me atë të fillimit të sezonit ndaj çdo pagesë e rrogës së sulmuesit shqiptar, është në ngarkim të Evertonit deri në mbyllje të këtij sezoni, kurdo që të riaftësohet ai.
