Milan po përballet me Torinon në kuadër të javës së 30-të në Serie A. Pjesa e parë në “San Siro” është mbyllur në barazim 1-1. Minutat e para ishin të qeta dhe pa ndonjë rrezik serioz për të dy ekipet.
Në minutën e 35-të, mundësia e parë për Milanin në këtë takim vjen me Adrien Rabiot, por goditja e francezit nga distanca ndalet nga portieri i miqve, Paleari.
Një minutë më pas u zhbllokua sfida, ku Strahinja Pavlovic shënoi një supergol, me një goditje fantastike me të majtën nga jashtë zonës, ku topi pasi u përplas në traversën e brendshme, përfundoi në rrjetë.
Në minutën e 38-të, Torino rrezikon me Duvan Zapata, por Mike Maignan tregohet i vëmendshëm. Në fund të pjesës së parë, Torino barazon shifrat me golin e shënuar nga Giovanni Simeone, i cili dërgoi në rrjetën tpin e goditur nga Vlasic që përfundoi në shtyllë. Pjesa e parë mbyllet 1-1.
