U transferua me shumë bujë verën e kaluar për 45 milionë euro nga River Plate, por Franco Mastantuono nuk po gjen dot hapësira te Real Madrid. Argjentinasi ka luajtur vetëm 14 minuta në 4 ndeshjet e fundit, duke treguar qartë mungesën e madhe të besimit të trajnerit dhe drejtuesve të klubit ndaj tij.
Ndërkohë, “Sports Illustrated” zbulon se për 18-vjeçarin argjentinas ka interes të madh në Premier League, sidomos nga dy klube: Brighton dhe Tottenham.
Duke parë minutazhin e paktë që ka pasur këtë sezon, Mastantuono pritet të largohet nga Real Madrid në verën e ardhshme. Por, duke ditur shumë e majme që Real Madrid ka paguar për kartonin e tij, me siguri do të jetë huazim dhe jo shitje direkte.
Për Mastantuono-n pritet të ndiqet e njëjta rrugë si me Endrick, ku braziliani po shkëlqen si huazim te Lyon, pavarësisht se te “Los Blancos” kishte shumë pak minuta për të.
