Lionel Mesi kritikoi ashpër ish-klubin e tij, PSG-në, për shkak se nuk e nderoi siç duhet për fitimin e Kupës së Botës në Katar.
Për këtë ka zgjedhur që të flasë vetë presidenti i “parizenëve”, Naser Al Khelaifi, i cili tha se nderimi ndaj argjentinasit nuk mungoi, por gjithashtu duhej të respektoheshin dhe tifozët e klubit.
“Siç e panë të gjithë, ne publikuam një video ku festuam me Mesin në stërvitje dhe privatisht për fitimin e Kupës së Botës. Por me respekt, ne jemi një klub francez dhe ishte shumë e ndjeshme të festonim në stadium. Ne duhet të respektonim vendin që ai mundi në finale, shokët e tij të skuadrës që luanin me Francën dhe gjithashtu mbështetësit tanë”, deklaroi numri 1 i PSG-së.
PANORAMASPORT.AL
