Në Firence, Interi nuk i vuri re as mungesat e rënda të Barelës dhe Çalhanoglusë, të skualifikuar për ndeshjen e vështirë jashtë fushe ndaj Fiorentinës. Paolo Di Kanio e konfirmon gjatë fjalës së tij nga studiot e “Sky Sport”:
“A është ndjerë mungesa e Barelës dhe Çalhanoglusë? Aspak, por ky është një ekip i mrekullueshëm. Asllani ka disa kohë atje dhe është rritur edhe fizikisht madje.
Edhe pse ai nuk e ndezi lojën, ai bëri paraqitjen e tij. Nga ana tjetër, Fratezi bëri një punë të shkëlqyer me topin, e la skuadrën të merrte frymë dhe shpesh mbërrinte në zonën Fiores. Ky është një ekip i fortë edhe me mungesat e lojtarëve të jashtëzakonshëm”.
PANORAMASPORT.AL
