Lamine Yamal nuk udhëtoi me skuadrën e Barcelonës për ndeshjen kundër Real Sociedadit. Klubi “blaugrana” konfirmoi se 17-vjeçari pësoi një ‘kontuzion të rëndë’ në fitoren 5-2 ndaj Crvena Zvezdas në Ligën e Kampionëve, të mërkurën.
“Lojtari i ekipit të parë Lamine Yamal pësoi një kontuzion të rëndë në ndeshjen e së mërkurës së kaluar kundër Yllit të Kuq të Beogradit”, shkroi Barcelona në një deklaratë në mediat sociale. “Gjatë ditëve të fundit, ai i është nënshtruar trajtimit, por shqetësimi ende nuk është larguar. Shërimi i tij do të përcaktojë disponueshmërinë e tij.”
Hansi Flick ka vendosur që 21-vjeçari Fermin Lopez të luajë titullar në mungesë të Yamal në majën e sulmit bashkë me Robert Lewandowskin dhe Raphinhan.
Barcelona ka qenë në formë të mirë në La Liga, duke fituar 11 nga 12 ndeshjet e para, dhe Yamal ka kontribuar me pesë gola dhe shtatë asistime për kryesuesit e tabelës.
Blaugranët mbajnë një epërsi prej gjashtë pikësh ndaj Realit të Madridit në krye të renditjes.
