Lakers arritën një fitore të rëndësishme në fushën e tyre ndaj Boston me rezultatin 117-96, duke konsoliduar pozitat në zonën play off në Perëndim. Sfidë e komanduar nga kalifornianët, ku Davis realizoi 24 pikë, Reaves 23 dhe James 20, një trio që bëri diferencën në fushë.
Surprizon Dallas, që mundi 121-115 kryesuesit e Oklahoma. Dinwiddie me 28 pikë e Irving me 24 pikë u dalluan për miqtë, duke i bërë të pavlefshme 64 pikët e dyshes Shai-Williams. Rikthehet te fitorja edhe skuadra e Golden State, që mundi 131-106 Chicago, ndeshje ku u dallua stoli i vendasve, nga ku erdhën 73 pikë.
Nuk zhgënjen ekipi i Milwaukee, që falë 29 pikëve të Lillard dhe 25 të Antetokounmpo mundi 125-96 Miami. Ndeshje të mirë bëri edhe San Antonio, që mundi 140-11- Indiana (Wembanyama 30 pikë), ndërsa Denver mundi 132-123 Sacramento, ku u dallua Jokic me një “triple double” (35 pikë, 22 rebound e 17 asist).
NBA-Rezultatet e sotme
Indiana – San Antonio, 110-140
Orlando – Portland, 79-101
Atlanta – Toronto, 119-122
Milwaukee – Miami, 125-96
Oklahoma – Dallas, 115-121
Denver – Sacramento, 132-123
Golden State – Chicago, 131-106
Lakers – Boston, 117-96
Clippers – Washington, 110-93
