Mesfushori i Manchester City-t, Matheus Nunes, ka deklaruar se është i gatshëm të luajë në çdo pozicion që i kërkon trajneri Pep Guardiola.
Duke folur nga Kupa e Botës për Klube, Nunes tha se detyra e tij është të japë gjithmonë maksimumin, pavarësisht rolit në fushë.
“Do të jap gjithmonë më të mirën, kudo që më vendos trajneri,” tha Nunes.
“Edhe lojtarë të tjerë kanë luajtur në pozicione të ndryshme dhe kanë bërë mirë në secilin prej tyre.”
Nunes është aktivizuar si mbrojtës i djathtë, anësor, mesfushor qendror dhe madje edhe në një rol më sulmues që nga transferimi te City.
“Nuk ka rëndësi ku luaj. Do të mundohem gjithmonë të jap më të mirën. Kjo është ajo që bëra të enjten ndaj Juventusit dhe jam i lumtur që luajta mirë,” përfundoi ai.
Fleksibiliteti i Nunes është një tjetër aset për Guardiolën, i cili njihet për rotacionet dhe ndryshimet taktike gjatë sezonit.
