UEFA ka dënuar me dy ndeshje pezullim gjyqtarët ndërkombëtarë spanjollë.
As dy javë më parë dhe as këto dy ditët e Ligës së Kampioneve dhe Kupave të Europës në tërësi, arbitrat spanjollë nuk janë shfaqur në Europë dhe e gjithë kjo si pasojë e bujës së shkaktuar nga rrjedhja e informacioneve për rastin e famshëm të Kukurejës dhe penalltisë së munguar për Gjermaninë në “Euro 2024”, konkretisht në çerekfinalen kundër Spanjës.
Roberto Rozeti, shefi i arbitrave të UEFA-s, ka kërkuar fajtorët dhe pas hetimeve beson se janë arbitrat spanjollë ata që kanë motivuar gjithë bujën e krijuar rreth asaj qarkoreje që iu dërgua të gjithë arbitrave për atë që ndodhi në Europian.
Llogaria “X.com” ka qenë e para që ka vënë në dukje dënimin dhe kjo është ajo që është. “Frigorifer” për gjyqtarët spanjollë.
PANORAMASPORT.AL
