Ish-mesfushori John Obi Mikel sugjeroi që ylli i Napolit, Victor Osimhen ‘dëshiron të shkojë te Chelsea’ në merkaton e verës së ardhshme.
Sulmuesi 25-vjeçar nigerian pritet të largohet nga Napoli në fund të sezonit, pasi kohët e fundit i tha shtypit se ai ka ‘vendosur tashmë’ hapin e tij të ardhshëm.
Ai nënshkroi një kontratë të re me Napolin në dhjetor që përmban një klauzolë lirimi rreth 120-130 milionë euro.
Osimhen është përmendur për një transferim në Premier League gjatë verës, me një listë të gjatë të kërkuesve të mundshëm duke përfshirë Chelsea, Arsenal dhe Manchester United.
Të interesuar janë edhe Paris Saint-Germain, të cilët e kanë shtuar sulmuesin nigerian në listën e tyre të gjatë të zëvendësuesve të mundshëm të Kylian Mbappe.
Duke folur në Web Summit Katar nëpërmjet Calciomercato.com, Obi Mikel diskutoi fillimisht lidhjet midis Osimhen dhe Chelsea.
“Unë mendoj se ka interes të vërtetë nga të dyja palët. Jam i bindur se Victor dëshiron të shkojë te Chelsea, padyshim që ai dëshiron të ndjekë gjurmët e mia dhe lojtarët nigerianë që kanë luajtur për Chelsean, si Victor Moses, Celestine Babayaro…”.
Ai foli edhe për qytetin e Londrës.
“Dhe ka edhe Londrën, një qytet fantastik, nuk ka asnjë krahasim me Liverpulin apo vende të tilla”.
Së fundi, Obi Mikel diskutoi për klubet e tjera të interesuara për nënshkrimin e Osimhen këtë verë.
“Ai gjithashtu ka shumë klube të interesuara për të, si PSG, Manchester United, por unë po i shtyj, i dërgoj mesazhe, duke u përpjekur të sigurohet që të ketë vetëm një klub në mendjen e tij: Blutë!”.
