Futbollisti Françesko Açerbi është ndëshkuar për racizmin ndaj mbrojtësit të Napolit, Huan Zhezus të cilin e quajti “zezak”.
Pavarësisht se ai i kërkoi falje, kombëtarja e Italisë nuk e ka falur duke e përjashtuar nga lista e lojtarëve të grumbulluar për dy ndeshjet e ardhshme miqësore të planifikuara në Shtetet e Bashkuara.
Mbrojtësi do të rikthehet sot në klubin e tij, Inter. Kështu në vendin e tij është thirrur mbrojtësi i Romës, Xhanluka Mançini, i cili tashmë ishte pjesë e listës së para-thirrjes.
Në orën 16:00 kombëtarja do të zhvillojë seancën e parë stërvitore ndërsa në orën 17:45 do të mbahet edhe konferenca për shtyp e trajnerit Luçiano Spaletit.
Nisja për në Shtetet e Bashkuara është caktuar për nesër në orën 10:20, ndërsa mbërritja në Majemi është planifikuar për në orën 17:05 me orën lokale.
PANORAMASPORT.AL
