Përforcimi i ri i Milanit, Noah Okafor, zbuloi se ai foli me Rafael Leaon shumë herë përpara se të bashkohej me kuqezinjtë, duke shtuar se ai mësoi për interesimin nga gjigantët e Serie A dy javë më parë.
Sulmuesi zviceran ishte paraqitur ndaj Milanit në dy ndeshje të fazës së grupeve të Ligës së Kampionëve sezonin e kaluar, duke shënuar në ndeshjen e parë në Austri.
Ai ishte parë duke folur me Leaon gjatë ndeshjes, kështu që Okafor diskutoi raportin e tij me sulmuesin portugez në intervistën e tij të parë si lojtar i Milanit.
“Unë e njoh atë për një kohë të gjatë. Hera e parë që u takuam ishte në Zvicër kundër Portugalisë, pastaj me Milanin (kundër RB Salzburg)”, tha fillimisht ai për “Milan TV”.
“Ne filluam të dërgonim mesazhe, ndërruam fanellat, mbetëm në kontakt. Ai është një djalë i mirë, gjithmonë pozitiv. Ai gjithmonë më thotë se Milani është një klub i madh, ku ne stërvitemi me lojtarë të shpejtë dhe driblues, mezi pres të futem në fushë me të. Jo jashtë fushës si më parë”, shtoi reprezentuesi i Zvicrës.
Në këtë intervistë, 23-vjeçari u shpreh edhe i lumtur që është pjesë e “Rossonerëve”.
“Është një ëndërr e realizuar, jam shumë i lumtur që jam këtu, në një klub të madh me një histori të madhe prapa. Mezi pres të shoh tifozët në ‘San Siro’. Para disa muajsh luajta kundër Milanit dhe më pas disa ditë më parë, si dy javë më parë, kisha informacionin. Isha i tronditur dhe vërtet i lumtur. Kisha një buzëqeshje në fytyrën time, doja vetëm Milanin dhe isha i lumtur, më në fund, kam nënshkruar tani dhe nuk ka ndjenjë më të mirë”, deklaroi ish-sulmuesi i Salzburgut.
Noah Okafor me Milanin ka nënshkruar kontratë të vlefshme deri më 30 qershor 2028.
