Shkëmbim spektakolar: Andre Onana transferohet tek rivalët e Interit.
Lajm bombastik, Andre Onana rikthehet në Serie A, por tek rivalët e Interit.
Portieri kamerunas, Andre Onana bëri bujë të madhe verën e shkuar duke kaluar nga rradhët e Interit te Manchester United për 55 milionë euro.
Por Onana nuk e ka nisur aspak mirë aventurën e tij me Djajtë e Kuq, pasiqë në 18 ndeshje të luajtura ka pësuar 30 gola.
Kamerunasi është në qendër të kritikave nga tifozët e United dhe drejtuesit janë në kërkim të një portieri të ri.
Calciomercato, ka lëshuar një lajm bombastik duke shkruar se Manchester United do tia ofrojë Milanit kartonin e Onana-s dhe 40 milionë euro në këmbim të Mike Maignan.
Maignan ka kontratë me Milanin deri në vitin 2026 dhe ka kërkuar një pagë prej 8 milionë eurove në sezon për të rinovuar.
Drejtuesit e Milanit nuk e kanë ndërmend t’i ofrojnë një pagë të tillë dhe Maignan në verë sipas të gjitha gjasave do të largohet nga San Siro.
Nga kjo mundësi kërkon të përfitojë United dhe bisedimet me Milanin pritet të fillojnë së shpejti, shkruan Calciomercato.
