Të paktën gjashtë muaj jashtë fushave. Kjo është periudha e parashikuar që Bennacer të rikuperohet, i cili iu nënshtrua një operacioni artroskopik në gjurin e djathtë në Lyon, i dëmtuar në minutat e para të derbit të Champions League.
Milan ka komunikuar këtë, duke shpjeguar se riparimi i lezionit kondral u krye me sukses nga doktor Bertrand Sonnery Cottet.
Me pak fjalë, për të parë Bennacer të rikthehet në fushë, ndoshta duhet pritur viti 2024, me kusht që periudha e rehabilitimit dhe pas operacionit të shkojë në mënyrën më të mirë të mundshme. Është e vetëkuptueshme se kjo do ta detyrojë Milanin të ndryshojë planet në merkato dhe të mendojë një lojtarë i cili do ta zëvendësojë algjerianin./h.ll/abcnews.al
