Divock Origi raportohet se mund të rikthehet sërish në Premierligë.
Ai u largua vitin e kaluar si futbollist i lirë nga Liverpooli për t’iu bashkuar Milanit, por duket se nuk ka bindur krerët e klubit italian.
Kësisoj, largimi i mundshëm i Origit nga “San Siro” gjatë afatit kalimtar të verës nuk përjashtohet.
Sipas gazetarit italian, Antonio Vitiello, Milani është i interesuar për të shitur belgun, nëse merr një ofertë të duhur për të.
West Ham United dhe Aston Villa thuhet se janë klubet e interesuara për shërbimet e tij.
Interesim për 28-vjeçarin kanë shprehur edhe disa klube nga Turqi, emrat e të cilave nuk u zbuluan.
Ndryshe, Origi me Milanin ka kontratë të vlefshme deri në verën e vitit 2026.
Ai në tregun e transferimeve vlerësohet me 8 milionë euro.
