Edhe pse u tha se e ardhmja e Daniele Orsato ishte Rusia, ka qenë vetë ish-arbitri ai që hedh dritë mbi vendimin e tij gjatë një interviste për “la Repubblica”: “Më kërkuan të bashkëpunoja me Federatën Ruse të Futbollit si ekspert, por duke marrë parasysh situatën aktuale socio-politike dhe parimet e mia etike, vendosa të mos pranoj”.
Por cili do të jetë hapi i radhës në karrierën e 48-vjeçarit? “Kërkoj sfida të reja, dua të përqendroj energjitë e mia në një projekt teknik që lidhet me AIA në Itali. Nuk do të kandidoj për president sepse jam një teknik, vetëm mund të jap një dorë në një projekt politik që synon për të ndarë menaxhimin e shoqatës dhe politikën nga sporti”, tha Orsato
Orsato mes të tjerash foli edhe për sistemin “VAR” dhe besimit të pakët që ka mes tifozëve: “Tani është një mjet i domosdoshëm për të reduktuar gabimet, por ne duhet të ndërtojmë një brez arbitrash që dinë të vendosin me personalitet, sepse ndonjëherë siguria nuk është as te pamjet dhe prandaj vendimi i fushës mbetet i pazëvendësueshëm”. E përsëri: “Unë do të doja një botë në të cilën të gjithë do ta kuptonin edhe gabimin e arbitrit, por me teknologjitë që kemi sot askush nuk do të pranonte më me të drejtë humbjen e një finale të Kupës së Botës për një milimetër jashtë loje”.