Çështja “Viktor Osimhen” te Napoli me sa duket po shkon drejt zgjidhjes, ku palët kanë ulur armët dhe paqja duket në sfond.
Sulmuesi nigerian i kampionëve të Italisë, ka publikuar së fundmi reagimin e tij në lidhje me një video të publikuar nga stafi i Napolit në rrjetet sociale pas ndeshjes kundër Bolonjës. Në ato pamje, Osimhen shikohet tek kërkon një penallti, të cilën ai e shpërdoron më pas. Në reagimin e tij në profinin zyrtar në rrjetet sociale golashënuesi më i mirë i sezonit të shkuar në Seria A shkruan se askush nuk mund të hyjë në mes tij dhe klubit.
“Ardhja në qytetin e Napolit në vitin 2020 ishte një vendim i mrekullueshëm për mua. Njerëzit e Napolit më kanë treguar kaq shumë dashuri dhe mirësi dhe nuk do të lejoj askënd të hyjë mes nesh. Pasioni i popullit të Napolit më ndez zjarrin për të luajtur gjithmonë me zemrën dhe shpirtin tim, si dhe dashuria për emblemën është e palëkundur ndërsa e mbaj me krenari. Akuzat kundër popullit të Napolit janë të pavërteta. Unë kam shumë miq që janë napolitanë dhe janë bërë pjesë e familjes dhe përditshmërisë sime. Unë i vlerësoj nigerianët dhe të gjithë për udhëheqjen e zërave të tyre për të mbështetur dhe arritur tek unë. Unë jam përgjithmonë mirënjohës. Të mbështesim unitetin, respektin dhe mirëkuptimin.
“FORZA NAPOLI GJTIHMONË”, shkruan Osimhen.
Ja postimi i nigerianit në “Instagram”:
PANORAMASPORT.AL
