Mesfushorët Erblin Osmani e Yll Gashi kanë pësuar humbje me Bayernin U19 në kuadër të “UEFA Youth League”.
Të martën, Bayerni U19 u mposhtu në udhëtim nga Vikingu U19 i Norvegjisë, me rezultatin 2:0, në duelin që i takoi fazës së dytë të ligës në Championsin e të rinjve.
Si Osmani ashtu edhe Gashi ishin startues te skuadra gjermane dhe u aktivizuan pothuajse deri në fund të takimit.
Osmani luajti deri në minutën e 87-të kurse Gashi u zëvendësua në minutën e 70-të të ndeshjes në “UEFA Youth League”.
Erblin Osmani muajin e shkuar debutoi me Kombëtaren e Kosovës, pasi u aktivizua në fund të takimit me Irlandën në kuadër të Ligës së Kombeve.
Teilen:
