PAOK-u i Selanikut mori një fitore shumë të rëndësishme në Athinë ndaj Panathinaikos.
Sfida në “Apostolos Nikolaidis” përfundoi në shifrat 2-3 në favor të PAOK-ut. Ndeshja nisi shumë më mirë për miqtë, teksa takimi u zhbllokua në minutën e dytë me anën e Despodov.
Vendasit nuk u pajtuan me këtë rezultat dhe arritën të barazojnë shifrat me anën e brazilianit Benard. Dueli ishte spektakolar dhe afër fundit të pjesës së parë, pasi Brandon Thomas riktheu PAOK-un në epersi. Me rezultatin 1-2 u mbyll pjesa e parë.
Në fraksionin e dytë, sfida u bë më taktike me Panathinaikos që kërkoi për kohë të tëra golin e barazimit, por rrjetën e tundi sërish PAOK-u me një 11-metërsh që u shndërrua në gol nga ana e Schwab.
Ndeshja ishte drejt fundit, me arbitrin e katërt që akordoi 5 minuta shtesë. 2 minuta nga fundi ishte sërish Benard që shënoi për vendasit, por koha nuk ishte në favorin e Athinasve. Me këtë fitore, PAOK-u shkoi në vendin e parë me 63 pikë, në pritje të sfidës që AEK-u do të luajë ndaj Olympiacos në shtëpi.
