KF Ferizaj ka zyrtarizuar Arsim Abazin në postin e drejtorit sportiv të klubit.
Lajmi është bërë i ditur nga faqja zyrtare e klubit ferizajas në rrjetet sociale, shkruan lajmi.net.
“FC Ferizaj e ka kënaqësinë të ju informoj se Arsim Abazi është i përzgjedhuri i klubit për pozitën e drejtorit sportiv. Arsim Abazi apo “Cima” siç njihet në komunitetin e futbollit së fundmi ishte selektor i Kombëtarës së Kosovës për grupmoshat U17. Kurse në kaluarën ka qenë trajner i FC Ferizaj dhe disa ekipeve tjera në Kosovë”, thuhet ndër tjerash në njoftimin zyrtar të Ferizajt.
Abazi nuk do të jetë zyrtarizimi i fundit për ditën e sotme. Ferizaj në ora 15:00 do ta prezantojë edhe trajnerin e ri, Ismet Munishin.
Lajmin pak minuta më parë e konfirmoi presidenti i Ferizajt, Lulzim Abazi për lajmi.net.
“Po, kemi arritur marrëveshje me trajnerin Ismet Munishi. Zyrtarizimi do të ndodh në ora 15:00” – ka thënë Abazi.
Ferizaj edicionin e ardhshëm do të bëjë gara në Ligën e Parë, pasi dështoi në barazh të sigurojë mbetjen në Superligë./Lajmi.net/
