Shorti për grupet në Kampionatin Evropian do të hidhet të shtunën me fillim nga ora 18:00.
Shqipëria do të mësojë kundërshtarët për aventurën në Evropian.
Në studion e improvizuar të lajmi.net gazetari ka hedhur shortin për fazën e grupeve në “Euro 2024”.
Sipas këtij shorit, Shqipëria do të përballet me Serbinë, Francën dhe Skocinë.
Kujtojmë që edhe “The Sun” kishte parashikuar grupet, ku “kuqezinjtë” u vendosën në short me Spanjën, Sllovakinë dhe Serbinë.
Shqipëria është e konfirmuar në vazon e dytë, por kundërshtarë të rrezikshëm ka edhe në vazon e tretë apo të katërt.
Kështu, është mëse e mundshme të ketë një “grup ferri”, pasi në vazon e tretë gjenden skuadra si Holanda e Kroacia, ndërsa Italia ka përfunduar në vazon e katërt. /Lajmi.net/
Teilen:
