Partizani dhe Laçi do të përplasin “brirët” mes tyre në “Arenën e Demave”. Duel shumë i rëndësishëm për rrugëtimin e tyre në Superiore, përballje që do të luhet ditën e dielë në orën 17:00.
Si “Demat” ashtu edhe kurbinasit janë dy ekipet që në 5 javët e fundit kanë siguruar më shumë pikë se ekipet e tjera. 9 pikët e grumbulluara në 5 javët e fundit e bëjnë këtë takim mjaft të luftuar.
Njëjtë si në javën e fundit në kampionat ashtu edhe në duelet direkte mes tyre statistikat janë “identike”. Kështu në 10 ndeshjet e fundit mes tyre, Partizani dhe Laçi kanë siguruar nga 4 fitore dhe vetëm 2 sfida kanë përfunduar në barazim.
Kryeqytetasit kanë shënuar 13 gola, ndërkohë nga ana tjetër kurbinasit kanë gjetur rrugën e rrjetës po 13 herë.
