Partizani ka triumfuar në ndeshjen e parë gjysmëfinale të Kupës së Shqipërisë, 1:0 përballë Egnatias në “Arena Egnatia”, një sfidë që erdhi për shikuesit në ekranin e RTSH Sport.
Një ndeshje e luftuar, me rrogozhinasit që krijuan një volum të madh loje, krijuan raste, por pa arritur të mposhtin portierin Alban Hoxha.
Nga ana tjetër, të kuqtë shfrytëzuan në maksimum mundësinë e krijuar. Ishte Keko, i cili fitoi një 11-metërsh dhe e ktheu në gol në minutën e 85-të.
Trajneri Gega duket se ka dhënë efektin e duhur tek të kuqtë, pas fitores në kampionat kanë hedhur një hap shumë të rëndësishëm dhe në Kupë.
