Partizani ka mposhtur Dinamon në miqësore. Derbi në Ohër u vendos nga goli i Albers Kekos në pjesën e dytë.
Pjesa e parë u mbyll pa gola edhe pse kishte disa raste të pastra shënimi.
Në fundin e 45 minutave, Partizani e Skënder Gegës pati pretendime për penallti.
Në pjesën e dytë kishte sërish raste, ndërsa Dinamo e Ilir Dajës humbi edhe penallti. Menjëherë pas 11-metërshit të gabuar, ishte Keko nga Partizani që me golin e shënuar në minutën e 69-të vulosi fatin e ndeshjes.
Ky takim ishte i dyti miqësor për Partizanin, pasi të parin e fitoi 3 me 0 përballë Rabotniçkit. Në anën tjetër Dinamo u paraqit në këtë ndeshje pas fitores 4 me 1 përballë Ballkanit.
