Sikur të mos mjaftonte situata e trazuar që po kalon këtë sezon në Premier League, ku rrezikon seriozisht të qëndrojë jashtë Champions League për vitin e ardhshëm, te Chelsea ka një çështje shqetësuese që mban emrin Enzo Fernandez.
Pas deklaratave të mesfushorit argjentinas, i cili shprehu publikisht dëshirën për të jetuar në Madrid, drejtuesit e klbuti blu e kanë pezulluar atë për dy ndeshjet e radhës, të cilat do t’i ndjekë nga tribuna.
Megjithatë, te Chelsea ka dhe një tjetër lojtar që ka dhënë sinjale largimi. Bëhet fjalë për Mosies Caicedo, i cili në një intervistë të fundit për “AS”, nuk përjashtoi asgjë kur u pyet për interesin e Real Madridit. “Real Madrid? Nuk i dihet kurrë në futboll”, tha mesfushori Ekuadorian.
Kjo përgjigje ka rindezur këmbanat e alarmit te Chelsea, që rrezikon të humbë dy lojtarët kryesor të repartit të mesfushës në verën e ardhshme.
