Edhe pse paraqitjet e saj nuk kanë qenë të mira, sidomos pas atij barazimi pa gola me Slloveninë në ndeshjen e së martës në mbrëmje, Anglia e mbylli fazën e grupeve në Euro 2024 si e para e grupit të saj, me 5 pikë, pas 1 fitoreje dhe dy barazimeve.
Tepër i kritikuar për zgjedhjet e tij të lojtarëve në këtë evropian por edhe për lojën e bërë deri tani, trajneri Sauthgejt, gjithsesi i ka mbrojtur lojtarët e tij. Në këto ditë pushimi, pa ndeshje, deri në nisjen e fazës së 16-shes, Harry Kane dhe një numër lojtarësh të tjerë yje të skuadrës angleze, kanë shijuar seanca yoga, për të lehtësuar disi peshën e situatës së rëndë mediatike të krijuar rreth tyre, pas 3 ndeshjeve të para në Euro 2024.
Anglia do të përballet me Sllovakinë në fazën e 16-shes dhe të gjithë presin reflektimin me lojën në fushë nga ana e yjeve të skuadrës angleze. Për të treguar se ata janë vërtet pretendentë për trofeun kontinental.
