Pas tri javësh mungesë, Zlatan Ibrahimoviçi, të premten dhe të shtunën u shfaq rregullisht në qendrën stërvitore të “Milanello”-s, teksa dje ishte në stadiumin “Maradona”, për të asistuar në Napoli-Milan.
Përpara sfidës, suedezi sqaroi edhe pozicionin e tij brenda klubit, duke deklaruar:
“Flitet shumë për çëshjen e drejtorit dhe çfarë na duhet te Milani, por nuk është momenti që unë mund të hyj në detaje. E pashe qe shkruanin se kam debatuar me Furlanin e gjera te tjera, por te gjitha janë lajme false, te shpikura.
Me Furlanin flas çdo ditë për gjithçka, përpara ndeshjeve, fola sot dhe do të flas edhe nesër. Jam këtu për të ndihmuar të gjithë. Shpresoj që gjërat të shkojnë më mirë në fushë dhe jashtë fushës gjithashtu”. Më pas, atij iu desh të shpjegonte edhe arsyet e mungesës së tij. “Preva flokët dhe trupi im kaloi në gjendje shoku. Bëj shaka. Në fakt, kalova një virozë të rëndë dhe humba tre kilogramë. Më në fund jam mirë”, deklaroi Ibrahimoviç.
PANORAMASPORT.AL
