Manchester United nuk e ka ndërmend të ndalet në këtë afat kalimtar të verës.
Pasi i “rrëmbeu” Leny Yoron Real Madridit, United po mendon për një lëvizje të re.
Synim është holandezi Xavi Simons. PSG-ja po planifikonte të zgjaste huazimin e Simons te Leipzig, teksa interesim për të ka shfaqur edhe Bayern Munich, me ofertë transferi prej 70 milionësh.
Agjenti i Simons thotë se do të presë oferta deri në 100 milionë euro, teksa interesim për të ka shfaqur edhe ekipi që e ka rritur, Barcelona.
Megjithatë, “Katalunasit” duket se do të jenë vetëm “spektatorë” të kësaj merkatoje, pasi klubi po përballet me probleme financiare tash e një kohë.
