Ish-sulmuesi i Barcelonës, Pedro Rodríguez, ka pranuar në një intervistë për La Porteria se ka qenë në kontakt për t’u rikthyer në atë që ai e konsideron klubin e jetës së tij.
Pedro, i cili aktualisht luan për Lazio, ka treguar entuziazmin e tij për të përfunduar karrierën e tij si lojtar te Barca.
Sulmuesi ruan një marrëdhënie të shkëlqyer me trajnerin aktual të Barçës, Xavi Hernandez, me të cilin ata ndanë dhomën e zhveshjes për shumë vite.
“Barça është shtëpia ime, kjo nuk do të thotë që unë nuk e mbroj klubin në të cilin jam tani 100%. Barça është ekipi im, është shumë e vështirë për mua të kthehem për shkak të shumë faktorëve, për shkak të moshës, por do të isha i lumtur. Pensionimi te Barça do të ishte spektakolar, por siç e shoh aq larg dhe të vështirë, është diçka që as nuk po e mendoj”, pranoi Pedro.
Lidhur me projektin aktual të Barcelonës nën drejtimin e Xavi, Pedro komentoi se ai e sheh grupin “në përgjithësi mirë”, megjithëse pranoi se “klubi po kalon një situatë delikate ekonomike”.
/GazetaBlic Sport
