Klubi i Basketbollit, Peja ka marrë një vendim për tifozët e saj në prag të ndeshjes vendimtare kundër Trepçës.
Trepça dhe Peja e zhvillojnë të enjten nga ora 20:00 në palestrën e sporteve “Minatori” në Mitrovicë ndeshjen e pestë finale të “Play-Off”-it në Superligën e Kosovës në basketboll.
Vend në palestrën “Minatori” për tifozët e Pejës nuk do të ketë, megjithatë klubi verdhezi ka marrë vendim që ata ta shikojnë në mënyrë të organizuar ndeshjen, por nga palestra “Karagaçi” në Pejë.
“E enjte, ora 19:00, takohemi n’Karagaç. U murr vesh çka ka t’re, krejtve ju ka lujt zemra, veç Mitrovices mas shumti. Pe kqyrim lojën krejt Peja së bashku, n’fole t’Shqiponjave” – thuhet në postimin e Pejës në faqen zyrtare.
Rezultati pas katër finaleve mes Trepçës dhe Pejës është 2:2, ndërkohë të enjten cila skuadër do të fitojë do të shpallet kampion i Kosovës./Lajmi.net/
