Kepler Laveran Lima Ferreira (Maseio, Brazil, 26.2.1983), i njohur më mirë si Pepe gjatë më shumë se 23 viteve të karrierës së tij të suksesshme, vari këpucët verën e kaluar, pasi luajti me Portugalinë në Kampionatin e tij të pestë Evropian (fitoi Kampionatin Evropian 2016).
Të shtunën, pasi u emërua anëtar nderi i “Peña Ramón Mendoza”, ai pranoi dashurinë që kishte fituar mes tifozëve të Realit të Madridit gjatë dhjetë sezoneve me fanellën e bardhë. Midis 2007 dhe 2017, ai luajti 334 ndeshje dhe fitoi 15 tituj me Madridin, duke përfshirë tre Champions. Gjatë një interviste të dhënë për gazetën “AS”, Pepe ka kaluar nëpër disa prej momenteve të rëndësishme të karrierës së tij.
Çfarë raportesh keni me tifozët e Realit e Madridit?
Të shkëlqyer, si ditën e parë që vura këmbën në Madrid në vitin 2007. I jam mirënjohës klubit për momentet që më ka dhënë si futbollist. Dhe tani, pas tërheqjes ndihem ende pjesë e këtij klubi të madh.
Cilat janë planet tuaja tani? Të tërheq të jesh trajner?
Tani është koha për të shijuar kohën me familjen. Tani fillon një fazë e re për mua si person dhe duhet ta shijoj.
Si e shihni skuadrën e Ançelotit?
Ekipi po ecën mirë, ende në garë në të tri frontet. Madridi gjithmonë do të luftojë deri në minutën e fundit për çdo gjë.
Cili është basti juaj për finalen e Champions League?
Është një format i ri. Por Madridi nuk mund të dorëzohet kurrë. Ai do të luftojë deri në minutën e fundit. Gjëja më e rëndësishme për Realit është të arrijë këtë pikë të vitit siç është tani, duke luftuar për të tre titujt.
Me cilin lojtar në skuadrën aktuale do të kishit dashur të ndanit dhomën e zhveshjes?
Mendoj se me të gjithë, sepse janë shumë të mirë. Mbape është një lojtar i madh dhe një person i madh, por pak njerëz e dinë se si është ai jashtë fushës.
PANORAMASPORT.AL
