Xhanuixhi Donaruma është një prej protagonistëve kryesorë të arritjes së PSG-së në finalen e Ligës së Kampioneve. Portieri ka qenë i jashtëzakonshëm në ecurinë e klubit në Europë dhe tashmë do të luajë si protagonist në finale, duke kërkuar të fitojë këtë trofe përballë një skuadre që njeh shumë mirë.
“Jam i emocionuar, rikthehemi të luajmë një finale të shkëlqyer. Do të jetë e bukur të takohem përsëri me shokët e mi të ekipit”, tha fillimisht Donaruma, duke iu referuar faktit se do të takohej me lojtarët e Italisë që janë pjesë e Interit.
Çfarë lloj mbrëmjeje ishte?
Po e shijoj këtë mbrëmje, atmosfera ishte stratosferike. Do të ritakohem me miqtë dhe trajnerin tim të vjetër të portierëve, Spineli, me të cilin flas çdo ditë. Nuk ishte e lehtë për gjithçka: gjuha, qyteti i ri, ishte e komplikuar, por tani të gjithë më duan dhe jam i lumtur.
A e pe Zomerin dje?
Dje ai ishte shumë i mirë, bëri më shumë pritje se unë. Ai luajti një pritje fantastike, ishte një ndeshje e bukur.
Pritja ndaj Odegard?
Një pritje e mirë, jam i kënaqur.
Je përmirësuar në pritje e tua të ulëta?
Nëna Natyrë më dha këtë dhunti, punoj për të çdo ditë, por le të themi se është më shumë falë Nënës Natyrë. Mundohem të punoj në pikat e mia të dobëta, mendoj se jam përmirësuar.
Çfarë lloj ndeshjeje do të jetë me Interin?
I njoh, do të jetë një ndeshje shumë e vështirë, por edhe shumë e bukur.
Rinovimi i ngrirë?
Kam ende një vit të mbetur në kontratën time, ka kohë për të folur për rinovimin: ata e dinë se si ndihem këtu, zgjedhja varet tërësisht nga klubi. Mbetet vetëm për të firmosur.
Çfarë ka ndryshuar pa Mbape?
Shpirti i skuadrës ka ndryshuar, ne jemi shumë më tepër një ekip: luajmë për njëri-tjetrin. Na mungon Kilian, ai është një nga më të mirët në botë, por i uroj gjithë të mirat sepse është një mik i madh. Ekipi është shumë i bashkuar, jemi shumë mirë së bashku: fituam një Kampionat Europian kështu, kjo bën diferencën në të gjitha skuadrat.
PANORAMASPORT.AL
