Spanjë-Argjentinë, është finalja e madhe e Kupës së Botës 2026, edicioni i 23-të. Spanja rikthehet në finale pas plot 16 vitesh, aty ku fitoi Kupën e saj të parë të Botës, në vitin 2010, duke mundur 1-0 Holandën.
Argjentina rikthehet në finale pas vetëm 4 vitesh. Në vitin 2022, fitoi Kupën e Botës për herë të tretë, sot do të synojë yllin e katërt.
FIFA ka vendosur të bëjë histori në këtë edicion jo vetëm në numrin e skuadrave pjesëmarrëse, por edhe në çmimin monetar që do të shpërndahet midis tyre. Në këtë rast, krahasuar me Kupën e Botës në Katar 2022, çmimi për ekipin kampion është rritur me tetë milionë dollarë, një shumë e konsiderueshme për fituesit.
Spanja ose Argjentina, cilido që do të fitojë sonte trofeun, do të marrë më vete edhe 50 milionë dollarë si shpërblim nga FIFA, vetëm për finalen. Në Kupën e Botës Katar 2022, shpërblimi ishtë 42 milionë dollarë.
FIFA miratoi një fond total prej 655 milionë dollarësh për këtë Kupë Bote, i cili shpërndahet si më poshtë:
Ekipi Kampion 50 milionë dollarë
Vendi i dytë 33 milionë dollarë
Vendi i tretë 29 milionë dollarë
Vendi i katërt 27 milionë dollarë
Pjesëmarrja deri në çerekfinale 19 milionë dollarë
Pjesëmarrja deri në raundin e 1/16-ve, 15 milionë dollarë
Pjesëmarrja deri në fazën e 1/32-ve, 11 milionë dollarë
Pjesëmarrja deri në fazën e grupeve, 9 milionë dollarë
