Një nga të ftuarit e versionit të ri të emisionit “Bobo TV” të Kristian Vierit, ka qenë edhe ish-sulmuesi brazilian Adriano. “Perandori”, i cili bëri emër sidomos me fanellën e Interit dhe Brazilit, ka komentuar situatën e përfaqësueses së vendit të tij, duke u ndalur fillimisht te mënyra e lojës dhe pankina.
“Kombëtarja nuk po bën shumë mirë, ndërrojmë shumë shpesh lojtarët dhe nuk arrijmë të krijojmë një lojë fikse. Ançeloti është një trajner i mirë, për kombëtaren do të ishte shumë e bukur ta shihnim në pankinën tonë.
Mungesa e Nejmar? Është një telash, pa të humb 50%. Por ka lojtarë të tjerë. Me të në Botërorin 2026 e nisin për të fituar. Ndonjë lojtar i fortë në Brazil? Sipas meje Gabigol do të ishte i mirë për kombëtaren, ka eksperiencë në krahasim me sulmuesit e tjerë të rinj, mund të bëjë shumë mirë”, tha Adriano.
PANORAMASPORT.AL
