Në pallatin e sportit “Tomorr sinani” të qytetit të Elbasanit ka startuar Kupa e Federatës në basketboll për meshkuj e femra, duke përcaktuar ekipet finaliste.
Te femrat, në gjysmëfinalen e parë, ekipi i Tiranës fitoi me lehtësi 100-33 ndaj Elbasanit vendës.
Diferencat mes dy skuadrave ishin të mëdha. Në sfidën tjetër, ekipi i Flamurtarit fitoi 79-59 ndaj Studentit, në një ndeshje ku vlonjatet patën epërsi.
Te meshkuj, Besëlidhja kampione fitoi 101-72 ndaj Elbasanit, sukses që erdhi vetëm në periodën e fundit, pas një ndeshje të ekuilibruar. Përballë lezhjanëve në finale do të jetë Tirana, që mposhti 80-61 Apoloninë, sfidë e dominuar nga bardheblutë.
Gjysmëfinale-Femra
Tirana – Elbasani, 100-33
Flamurtari – Studenti, 79-59
Eliminatore-Meshkuj
Elbasani – Fieri Basket, 77-73
Gjysmëfinale-Meshkuj
Besëlidhja – Elbasani, 101-72
Tirana – Apolonia, 80-61
