Policia çeke sipas ‘Sky Sports’ ka arrestuar më shumë se 30 persona teksa dhuna ka pësuar rritje përpara finales së Ligës së Konferencës së Evropës ndërmjet West Hamit dhe Fiorentinës në Pragë.
Mendohet se një grup tifozësh të West Ham ishin duke pirë në një lokal në qendër të qytetit kur u sulmuan nga një numër i madh burrash të veshur të gjithë me të zeza. Ndërsa mbështetësit e tjerë të West Ham mbërritën në vendngjarje, policia e trazirave hyri për të mbajtur grupet rivale të ndarë.
Policia çeke konfirmoi se tre persona u plagosën dhe një polic u sulmua gjithashtu.
“Ne kemi kufizuar lirinë personale të 16 personave dhe aktualisht po hetojmë të gjithë incidentin”.
Rreth 20,000 tifozë të West Ham janë në Pragë, shumica pa bileta, për finalen midis ‘Hammers’ dhe Fiorentina, që fillon në ‘Eden Arena’ të Pragës në orën 21:00.
Dhuna në futboll kishte edhe në fundin e fitores së gjysmëfinales së West Ham ndaj AZ Alkmaar në Holandë, kur tifozët vendas u përpoqën të sulmonin një grup të familjes dhe miqve të lojtarëve në një nga tribunat kryesore./Lajmi.net/
Fiorentina ‘fans’ have turned up in Prague and are causing damage anywhere and everywhere they go.
I hope West Ham batter them tonight ⚽️ pic.twitter.com/Byy3I7kz2f
— Suzesport.com (@SuZeSport) June 7, 2023
