Mohamed Salah dhe Jurgen Klopp u përfshinë në një grindje të furishme verbale pasi Liverpool pranoi një barazim të vonshëm ndaj West Ham të shtunën pasdite.
Liverpool barazoi në transfertë te West Hami me rezultat 2-2 në ndeshjen e javës së 35-të të Premier League.
Me këtë barazim, ‘Reds’ thuajse humben të gjitha gjasat për titull kampion, duke qenë se mbesin dy pikë mbrapa Arsenalit me një ndeshje më pak dhe një pikë mbrapa Manchester City me dy ndeshje më pak të luajtura.
Ky barazim nuk u prit aspak mirë te ekipi nga Anfield dhe një moment i ndeshjes i tregon të gjitha. Trajneri Klopp dhe ylli i ekipit, Salah, ishin personazhet e një përplasje të furishme verbale pas golit të barazimit të pranuar në minutën e 77-të.
Salah ishte duke pritur të vija anësore për t’u futur në lojë kur erdhi goli i barazimit dhe kjo çoi në një debat të tij me Klopp.
Ishte uruguaiani Darwin Nunez që duhej të qetësonte gjërat mes Klopp dhe Salah.
Deri tani nuk dihet saktësisht se çfarë u tha mes dyshes, por Salah dukej dukshëm i pakënaqur edhe gjatë nxehmjes, pasi nuk ishte pjesë e formacionit titullar./h.ll/abcnews.al
