Përzgjedhësi i Zvicrës, Murat Yakin ka folur në konferencë për media para ndeshjes me Përfaqësuesen e Kosovës.
Zvicra dhe Kosova përballen të shtunën në Bazel, në takimin e parafundit të kampanjës kualifikuese për Kampionatin Evropian 2024, përcjell lajmi.net.
Yakin ndër tjerash ka thënë se është i kënaqur që në stadium do të ketë shumë tifozë të Kosovës.
“Jam i kënaqur që do të vijnë shumë tifozë të Kosovës në stadium. Mbi të gjitha, shpresoj që edhe ne të kemi përkrahje të madhe nga tifozët tanë”, ka thënë ai.
Zvicra në rast të fitores ndaj Kosovës do të sigurojë kualifikimin në Kampionatin Evropian të vitit 2024./Lajmi.net/
