Imagjinoni ditën më të keqe në punë… dhe shumzojeni me 31. Nëse do të arrini një ditë që ta bëni diçka të tillë atëherë mund të “ngushëlloheni” pasi një ditë e tillë ishte 11 prilli i 2001-it për portierin e Samoas Amerikane.
Niki Salapu ishte portier i ekipit, i cili mban rekord për humbjen më të thellë në arenën ndërkombëtare.
Ndeshja ishte e vlefshme për kualifikueset e Botërorit “Kore e Jugut dhe Japoni 2002”.
“Po mundohesha që të mbaja brenda emocionet. U mundova që të qëndroja stoik deri në momentin që të shkoja në dhomën e zhveshjes”, komenton Niki Salapu.
Humbja e thellë kishte shumë rrethana lehtësuese. Shteti i Samoas Amerikane numëronte në atë kohë vetëm 58.000 mijë banorë ndërsa Australia 19 milionë.
Samoa Amerikane ishte federuar në FIFA vetëm tri vite më parë. Ndërsa FIFA ishte treguar e qartë në atë kohë se shtetin e vogël të Paqësorit do të mund të përfaqësonin vetëm lojtarë me pashaportë amerikane.
Vetëm Salapu mund të grumbullohej ndërsa për pjesën tjetër të ekipi gjithçka ishte shumë e vështirë. “E kishim shumë të vështirë që të ndërtonim një ekip madje për të plotësuar numrin u detyruam që të rekrutonim të rinj nga shkollat e mesme”, tregon ish-portieri, i cili sot është 43-vjeç.
Në atë kohë ai ishte veteran edhe pse ishte vetëm 20 vjeç. Në ekip luanin tre 15-vjeçarë ndërsa mesatarja e moshës së skuadrës ishte vetëm 18 vjeç].
